Unknown
الدستور ده عقد بين كل فرد في البلد وبقية الأفراد وبين
المجتمع والدولة. الدستور عامل أساسي في تماسك
المجتمعات واستقرارها وتوفير بيئة
لنهضتها لأنه مكتوب عشان يستمر. وده بيحصل لما كل
مواطن يعرف تأثير صوته وتبعاته عليه وعلى المجتمع.
الدستور حيحدد قد إيه الدولة تقدر تتدخل
في حياتك وقد إيه قرارات تقدر تاخدها بالنيابة عنك وقد إيه
من فلوسك تقدر تاخده وتوزعه إزاي. وإزاي حتطبق العدالة
الاجتماعية بالنسبة لحقك في
التعليم والصحة والسكن والطعام. قد إيه حيكون القرار في
إيد الحكومة المركزية في القاهرة وقد إيه حيكون للحكومات
المحلية وحيكون إيه شكل
استقلال القضاء اللي كلنا بنتعامل معاه. اللي مصر محتاجاه
دلوقتي تسليم السلطة كاملة للمدنيين المنتخبين من
الشعب عشان نقدر نعالج القضايا
الملحّة ونبدأ نعمل إصلاح وتغيير حقيقي نحس بيه. لكن
عشان بلدنا تستقر بشكل طويل المدى وعشان نقدر نعمل
نهضة المفروض ناخد وقتنا لفهم
قضايا الدستور ومناقشتها مجتمعيا من غير كروته ولا خناقات
على قضايا غير حقيقية
